Asociación Galega de Profesores de Educación Matemática

PRAZOS: establécese o prazo  ata o 30 de marzo do 2007 para a recepción de artigos para o nº 7 da revista GAMMA

GAMMA
Galicia + matemática. 

Prezo 12 euros.

Nº 1 índice	Nº 2 índice	Nº 3 índice	Nº 4 indice

NORMAS DE PUBLICACIÓN DA REVISTA.

Os artigos remitiranse por triplicado á redacción de GAMMA (Revista GAMMA, García Abad 3-1ºB, 27004 Lugo, Apartado de correos 301), impresos a dobre espacio, por unha soa cara, en formato Din A-4. 

Non é preciso ser socio de AGAPEMA para poder enviar artigos para publicar en GAMMA para a súa publicación.

As contribucións á revista poden ser en formatos distintos ós artigos: deseños, recensións, pasatempos, etc.

Os datos de identificación do autor non deben figurar no texto orixinal, xa que este será enviado a asesores para ser referenciado. Estes en ningún caso serán informados da identidade do autor ou autores do traballo, e aconsellarán a conveniencia ou non da publicación do traballo, recomendarán posibles modificacións, etc. 

Os gráficos, diagramas e figuras enviaranse en follas separadas (unha para cada gráfico), en tinta negra sobre papel branco. Así mesmo, poderánse incluír fotografías. No texto debe figurar o lugar onde deben ser colocadas; de igual forma, se teñen que levar un pé de ilustración, este reseñarase na folla onde aparece a ilustración. 

Adxunto ó artigo redactarase un resumo, de entre cinco e dez liñas, que non necesariamente ten que coincidir coa introducción ó artigo. Debe ir escrito en folla á parte. Nese mesmo folio aparecerán os datos de identificación do autor ou autores: nome e apelidos; enderezo completo; lugar de traballo; teléfono de contacto.

Débese mandar tamén un disquete co arquivo de texto que conteña o artigo, así como tantos arquivos gráficos, como figuras elaboradas co ordenador teña o artigo, por separado e tamén integradas no texto. A etiqueta do disquete debe identificalo sen que haxa lugar a dúbida. En canto ó formato dos arquivos de texto, recoméndase MS-Word e WordPerfect en PC; os arquivos gráficos é preferible que teñan formato EPS ou TIFF ou GIF, con resolución suficiente (300 ppp) . 

En calquera caso, tanto un exemplar do texto como os gráficos, se proceden de impresoras, deben ser orixinais e non fotocopias. 

Os traballos enviaranse completos, aínda que por necesidades de edición pode que se publiquen por partes. 

As notas a pé de páxina deben ir numeradas correlativamente, con superíndices ó longo do artigo. 

A bibliografía disporase ó final do artigo, por orde alfabética de apelidos, indicando autor(es), ano, título do artigo, título da revista completa (en cursiva ou subliñado), volume e páxinas do mesmo. Por exemplo: 
Búa J. (2001): "Proba de avaliación inicial en 1º de E.S.O. no I.E.S. de Meaño", Gamma, nº 1, 2001. 

No caso de libros indicarase o autor(es), ano, título completo (en cursiva ou subliñado), editorial e lugar de edición. Por exemplo: 
Laborde, J. M., Bellemain, F.: Cabri Geometry II. Texas Instruments, Dallas (1998)

No caso de artigos que se atopan nunha obra colectiva indicarase o autor(es), ano, título do artigo (entre aspas), título do libro (en cursiva), editorial e lugar de edición. Por  exemplo: 
NISS, Mogen (1983), ‘Considerations and experiences concerning integrated courses in mathematics and other subjects’, en M. Zweng et al. (eds.): Proceedings of the 4th ICME (Birkhäuser, Boston: Boston) 

Dentro do texto, as referencias á bibliografía indicaranse co apelido do autor e o ano entre paréntese. Por exemplo: ... supón un gran avance (Valcarce, 2001). 

Se o autor aparece explicitamente no texto, só se poñerá entre parénteses o ano. Por exemplo: ... segundo Flavio Piñeiro (2001). 

Posteriormente, notificaráselles ós interesados a aceptación ou non do artigo, así como -en caso afirmativo- a posible data da súa publicación. Nese momento, os autores comprometeranse a retirar o artigo doutras publicacións ás que tamén o remitiran. Non se manterá correspondencia sobre as causas da non aceptación dun artigo.

volver - correo