AGAPEMA

Organizan:

Fotos da Fase Final e Gañadores

Fase de zona Finalistas Mapa para chegar a Oleiros Programa da final Permiso

Co fin de promover a ensinanza e a aprendizaxe das Matemáticas a través da Resolución de Problemas e do traballo en equipo, convócase a VII OLIMPÍADA MATEMÁTICA GALEGA PARA O ALUMNADO QUE CURSA O 2º ANO DO 1º CICLO DA ESO NA COMUNIDADE AUTÓNOMA DE GALICIA organizada por AGAPEMA e ENCIGA  coa colaboración directa dos CEFORES.

A Olimpiada e a Formación do Profesorado

BASES

1.     PARTICIPANTES

Poden participar todos os estudiantes dos centros educativos de Galicia matriculados en 2º da ESO no curso escolar 2004/05.

A efectos territoriais distínguense sete zonas: A Coruña, Ferrol, Lugo, Ourense, Pontevedra, Santiago e Vigo.

Nesta súa 7ª edición, a Olimpíada Matemática Galega 2º de ESO está dirixida a todo o alumnado do 2º curso da ESO dos centros públicos e privados de Galicia. Cada Centro pode presentar á Fase de Zona dous participantes por cada unha das súas unidades (grupos-clase) de 2º da ESO.

Os centros que desexen  participar formalizarán, antes do 4 de marzo, a súa inscrición na páxina web das sociedades convocantes (www.agapema.com ou www.enciga.org) ou enviando por correo postal a ficha de inscrición-centro que se xunta a calquera dos seguintes enderezos, indicando número de grupos- clase de 2º  de ESO que van participar e o profesorado responsable da participación a:

A comunicación cos participantes realizaráse, salvo que se indique o contrario na inscrición, a través do correo electrónico. Para calquera comunicación ca organización utilizar o correo electrónico  olimpiada2eso@edu.xunta.es

2. COMITÉ COORDINADOR

O Comité Coordinador da VII Olimpiada está constituído por membros de AGAPEMA e ENCIGA. En cada zona constituirase un Comité encargado de orientar a Fase de Centro e organizar a Fase de Zona. O Comité Coordinador organizará a Fase Final Galega.

3. FASES DA OLIMPÍADA

3.1. Fase de Centro

Esta fase ten lugar en cada Centro que debe poñer en marcha, entre o seu alumnado, todo o proceso de adestramento na Resolución de Problemas tanto a nivel individual como colectivo e, ó remate do mesmo, envíar á Fase de Zona, como máximo, dous alumnos/as por cada grupo de 2 º de ESO.

Co obxectivo de facilitar o traballo do profesorado participante, a organización creará e actualizará periódicamente unha páxina web con problemas e coas súas solucións. Poderá accederse ós mesmos desde as páxinas das sociedades convocantes (www.agapema.com e www.enciga.org). O profesorado inscrito recibirá unha contrasinal para acceder ás solucións destes problemas. Máis información, na páxina da Olimpiada.

3.2. Fase de Zona

a.       Nesta fase cada Centro participará no lugar que designe a organización en función do número de participantes, procurando que os desprazamentos sexan o máis reducidos posible.

b.      Terá lugar o venres, día 29 de abril, ás 10:00 h en tódalas sedes. O lugar comunicaráselles oportunamente ós centros participantes.

c.       Antes do 2 de abril de 2005, cada centro comunicará os nomes dos participantes cubrindo a ficha que figurará na páxina web da Olimpiada ou remitindo por correo postal a ficha que se xunta a calquera dos enderezos sinalados.

d.      A proba consistirá na resolución individual de CINCO problemas, os mesmos en tódalas zonas. Na valoración dos problemas primará o método de resolución empregado, a súa orixinalidade, etc,  por  enriba da mera solución.

e.       Os participantes aportarán o material que consideren necesario na resolución das probas (bolis, calculadora, regras, ...), xa que só se lles facilitará papel DIN-A4.

f.       Os gastos de desprazamento correrán a cargo dos participantes.

3.3. Fase Final Galega

O obxectivo desta xornada é ter un día de convivencia e realizar as probas individuais xunto con actividades de carácter máis lúdico. A esta fase final acudirán 40 participantes seleccionados na Fase de Zona, correspondéndolle a cada unha un número de prazas proporcional ó número de participantes presentados na Fase anterior.

a.       Esta Fase terá lugar o día 13 de maio no Concello de Oleiros (A Coruña), segundo o horario que se xunta.

b.      A organización desta fase corre a cargo de AGAPEMA e ENCIGA, coa colaboración da Consellería de Educación e O. U. da Xunta de Galicia a través dos CEFORES e do Concello de Oleiros (A Coruña).

c.       O Xurado da Fase Final encargarase da valoración das probas e designará os gañadores. O seu fallo é inapelable.

d.      A corrección das probas realizarase asegurando tanto o anonimato de cada participante como o do centro de procedencia. Non se facerá pública, en ningún caso, a puntuación obtida por cada participante.

e.       Os gastos de desprazamento para participar na Fase Final Galega correrán a cargo dos participantes.

f.       Entregarase un diploma acreditativo a tódolos  participantes da Fase de Zona e da Fase Final Galega. Os tres participantes individuais con maior destreza na resolución de problemas teñen a opción de participar na final da XV OLIMPÍADA MATEMÁTICA NACIONAL que terá lugar en Madrid na 2ª quincena do mes de xuño. Á devandita final os participantes irán acompañados por unha persoa da organización.

g.      Os gastos de desprazamento e estancia na Fase Nacional dos alumnos e alumnas da nosa Comunidade que resulten seleccionados correrán a cargo da organización.

4. Participación do profesorado.

            Ademáis de presentando alumnos e alumnas as diferentes fases, os profesores/as poderán participar enviando problemas orixinais para ser incluidos na páxina web á dirección de correo olimpiada2eso@edu.xunta.es.

            Entre todos os participantes sortearase un importante agasallo e, ademáis, premiarase o problema máis interesante.

5.Interpretación.

A interpretación das presentes bases correspóndelle ó Comité Coordinador. 

Para máis información:  http://www.agapema.com e http://www.enciga.org

A Coruña, novembro de 2004

Polo Comité Coordinador:

Programas das Fases:

Descarga de Documentos en Word:

Olimpiadas Anteriores:

Problemas:

Fase de Zona

Fase Final

Problemas:

Fase de Zona

Fase Final

Problemas:

Fase de Zona

Fase Final

Links: Outros Problemas

Colaboran

Consellería de Educación e Ordenación Universitaria da Xunta de Galicia

Concello de Oleiros