Bases do 2010:

-Grupos: poderán participar  grupos-clase completos ou como mínimo un 50%  do grupo (a organización poderá admitir excepcións a esta regra, no caso de estar debidamente xustificada pola dirección do centro. Poden non contabilizarse, a este efecto, os alumnos de agrupamento, pero si poden participar) .Para favorecer a organización este ano dous grupos de 10 ou menos alumnos poderán xuntarse para participar na proba como grupo único.

Cursos e centros: alumnos de 3º ou 4º de ESO dos centros de toda Galicia e o norte de Portugal .

PREMIOS

            Os grupos gañadores (xa que poden ir no mesmo autobús un grupo de 3º e outro de 4º) terán -exclusiva e unicamente- como premio a posibilidade de participar na final de Toulouse, que se celebrará o 7 de maio de 2010.  De non aceptar o premio, esa posibilidade trasladarase aos seguintes clasificados. A viaxe á final de Tolouse, para os dous centros que acaden o primeiro premio, será voluntaria. Caso de aceptar, deberán estes asumir os gastos e a organización da viaxe. AGAPEMA aportará unha axuda que estará supeditada á subvención que se lle conceda para este fin. Para o 2010, se non hai convocatoria por parte da Consellería,  excepcionalmente a asociación asegura que contribuirá coa contía de 3.000 €.

Poderá haber outros premios para o alumnado dos catro primeiros grupos mellor clasificados que realizara a proba, (dependendo da doazón de Caixanova-pendente de confirmar- e calculadoras doadas por Casio) e diploma para tódolos grupos participantes. Pero, en todo caso, que mellor premio que participar!!

A participación neste concurso supón a aceptación destas bases. A organización terá a facultade de interpretar as bases da convocatoria.

DATA DE REALIZACIÓN DA PROBA

Esta proba  celebrarase o luns, día 22 de Marzo do 2010, de 16 a 17:30 h.

DATAS DE INSCRICIÓN

A data límite de inscrición é o xoves, 1 de marzo de 2010

PROBA 

A proba consistirá en traballar colectivamente, exactamente en hora e media, unha serie de problemas comúns ás clases de 3º e 4º da E.S.O.  As respostas, redactadas en galego, estarán en folios distintos para cada pregunta .

INSCRICIÓN

· Poderán participar só clases enteiras ou o 50% da clase como mínimo, (coas matizacións citadas anteriormente) nas que entren tódolos alumnos/as de  3º e 4º de E.S.O. 

· A inscrición deberá ser espontánea e corresponder á vontade da maioría dos alumnos/as da clase. 

· A inscrición farase con consentimento do Director/a do Centro Educativo e por iniciativa do Profesor/a de Matemáticas.

· O boletín de inscrición irá acompañado co ficheiro de alumnos/as da clase ca aprobación do Sr Director.

· O Centro que participe deberá aportar un profesor/a (que non ten por que ser da disciplina de Matemáticas) por cada clase que inscriba, o cal comprometese  a vixía-lo desenvolvemento doutra clase noutro Centro próximo, o día do Rallye (22 de Marzo de 16 a 17:30 h.).

            · A clase que non aporte ó profesor/a vixiante quedará fora da proba.

· O grupo inscrito poderá utilizar calquer tipo de material escolar (libros, regras, compás, calculadoras...).

· Un profesor/a do equipo da organización non poderá inscribir ningunha das súas clases.

· A inscrición xunto co ficheiro dos alumnos participantes deberase remitir ó e-mail: rallye@agapema.com 

            ·No caso de non poder facer a inscrición por correo electrónico, enviádela por  correo ordinario urxente ó seguinte enderezo: 

RALLYE MATEMÁTICO 

Garcia Abad 3-1ºB

27004-LUGO

· É importante, para facilitar a comunicación cos profesores participantes, que nos enviedes unha dirección electrónica (incluso particular) para poñernos en contacto.   

DESPOIS DA INSCRICIÓN

Cada profesor/a recibirá a confirmación da inscrición definitiva da súa clase e os complementos de información indispensables para o bo desenvolvemento da proba (consignas, lugar de supervisión e autorización de ausencia correspondente, se cumprise) 

No caso de non recibir esta información antes do 1 de marzo, poñédevos en contacto coa organización en: email: rallye@agapema.com