Asociación Galega de Profesores de Educación Matemática

Problemas da Fase de zona celebrada o sábado 19 de maio de 2001 nas localidades de Lugo, Lalín, Ferrol, Vigo, Monforte, Santiago e A Coruña.

Relación de finalistas que participarán na fase final na Coruña o día 5 de xuño segundo o horario que se xunta. En formato word.

Problemas da fasa final.

Clasificación final do I Rebumbio.

Trátase dunha actividade que tenta fuxir do traballo competitivo e individual fomentando pola contra o espíritu cooperativo e de traballo en grupo. Tentamos fuxir do que se podería considerar unha olimpíada e por iso a súa estructura e o seu desenvolvemento son tamén distintos. Agardamos que, se os resultados son favorables, nos sirva de base este Rebumbio para orientar a Olimpíada de 2º da ESO cara a un maior fomento do traballo cooperativo.

Imos, por primeira vez, a experimentar unha fórmula distinta das convencionais, pero para elo precisamos contar coa colaboración dos centros participantes e, especialmente, coa colaboración dos seus mestres e mestras. É por iso que, dado o seu carácter, este I Rebumbio se polarice na zona da Coruña e se convida á fase final a un só equipo das demais zonas.

Este primeiro ano e de maneira experimental celébrarase na Coruña.

A efectos de distribución territorial sinálanse sete zonas (A Coruña, Ferrol, Lugo, Ourense, Pontevedra, Santiago e Vigo) que se corresponden cos ámbitos dos Centros de Formación e Recursos.

Nesta súa 1ª edición experimental, o Rebumbio Matemático está dirixido a todo o alumnado de 6º curso do 3º ciclo de Educación Primaria dos centros públicos e privados de Galicia, dado que na presente convocatoria colaboraran no desenvolvemento do mesmo tódolos Centros de Formación e Recursos. Cada centro pode participar con un equipo de tres alumnos por grupo de 6º de E. Primaria.

Ten lugar no propio Centro. Nesta fase deben participar tódolos alumnos de 6º do Colexio e dela debe saír un equipo de tres por cada grupo clase para acudir á Fase de Zona.

Nesta primeira fase o Centro ten total autonomía para desenvolvela; debe estar rematada antes do 1º de maio e comunicado a AGAPEMA os datos dos integrantes do equipo seleccionado e mailos do Centro e profesor responsable do equipo.

Celébrarase no lugar que se designe en cada unha das zonas o día 19 de maio ás 10:30 horas. Os datos dos integrantes dos 15 equipos seleccionados nesta fase para ir á Final así como os datos do Centro e os do profesor responsable de cada equipo deben estar en posesión de AGAPEMA antes do 30 de maio.

Celebrarase no Fórum Metropolitano da Coruña. Nela participarán 15 equipos dos que nove serán da zona da Coruña e os outros seis son convidados, un de cada unha das restantes zonas (Ferrol, Lugo, Ourense, Pontevedra, Santiago e Vigo). A non participación dalgunha zona implicará o correspondente aumento de equipos da zona da Coruña.

A Fase Final terá lugar o día 5 de xuño do 2001, de 10:00 a 19:00 h.

Os traslados desde o seu lugar de orixe ata o de celebración, na Coruña, van por conta dos participantes.

Serán variadas que motiven ós participantes e alternándose as de tipo manipulativo coas de deducción e razonamento.

Co fin de orientar ós mestres e mestras que vaian participar cos seus alumnos e alumnas, cada Comité de Zona de AGAPEMA estudiará a posibilidade de organizar unhas xornadas de 10 horas (con recoñecemento oficial) nas que se informaría sobre a actividade e sendo o seu núcleo a resolución de problemas.

AGAPEMA expedirá a tódolos alumnos das fases de Zona e Final un diploma acreditativo da súa participación no I Rebumbio Matemático.

Os tres grupos que demostren maiores destrezas e habilidades matemáticas, ademais do diploma acreditativo, recibirán de AGAPEMA un recordo do evento.

O profesorado dos equipos participantes enviará a inscrición correspondente antes do 31 de marzo por calquera dos seguintes conductos:

Por correo postal a:

AGAPEMA. Apartado nº 4188.               15080-A Coruña

AGAPEMA. Apartado 1097.               Santiago

AGAPEMA. r/ García Abad, 3 - 1º B.            27004- Lugo

Centro de Formación e Recursos do ámbito no que está o Centro que se inscribe, indicando claramente no sobre REBUMBIO MATEMÁTICO 2001

A través da páxina web: http://www.agapema.com

Por correo electrónico: mandando nun arquivo tódolos datos a: mpazos@teleline.es

Para ver o calendario de actividades do Rebumbio, folla de inscrición nas Xornadas de Resolución de Problemas e ficha de inscrición no I Rebumbio Matemático podes baixar toda a documentación ou consultala aquí en formato word ou pdf.

Organiza:

AGAPEMA (Asociación Galega de Profesores de Educación Matemática)

Patrocina:

Servicio Municipal de Educación do Concello da Coruña

Colabora 

Centros de Formación e Recursos da Consellería de Educación

volver - correo