Os profesores do Departamento de Matemáticas do IES Monte da Vila, que asinan esta escrito, en relación coa suspensión do uso da calculadora nas PAU, queremos deixar clara a nosa postura completamente en contra polos seguintes motivos:

1º) O DCB da ESO e do Bacharelato inclúen como obxectivo a aprendizaxe do uso racional das calculadoras.

2º) Os alumnos están acostumados a utilizala, é unha ferramenta imprescindible o cál non significa que non saiban facer as operacións nin coñecer as razóns trigonométricas dos ángulos, posto que están no 2º curso do Bacharelato e teñen alcanzados os obxectivos dos anos anteriores.

3º) Todos sabemos que nas probas de Selectividade os alumnos están sometidos a unha presión moi elevada. Non utilizar a calculadora complicaría moitísimo esta situación, creando inseguridade nos alumnos.

4º) Que a usen non restaría en absoluto o obxectivo da proba. Isto o sabemos todos os profesores de Matemáticas tras moitos anos preparando ós nosos alumnos.

5º) O argumento que vostede esgrima sobre que os profesores que vixían poden ser de outra especialidade e non distinguir a calculadora programable da que non o é, parécenos absurdo, posto que si ese é o problema organicen a proba de outro xeito, pero nunca a costa da tranquilidade dos nosos alumnos.

6º) Que esta decisión foi tomada sen contar coa nosa opinión é clara mostra do desprezo que habitualmente nos mostran.