Á Mesa do Parlamento
O Grupo Parlamentario dos Socialistas de Galicia, a iniciativa dos deputados Manuel Luis Rodríguez González e Pedro Borrajo Rivas e da deputada Laura Seara Sobrado, a través do seu portavoz e ó abeiro do disposto nos artigos 98 e 160 do Regulamento da Cámara, presenta ante esa Mesa a seguinte Proposición non de lei urxente en Comisión.
A urxencia vén motivada pola decisión que deben de adoptar os IES de Galicia para preparar debidamente ao alumnado que deberá presentarse ás PAAU (Probas de acceso á Universidade) no mes de xuño- .Ante a notificación da CIUG (Comisión interuniversitaria de Galicia) de que non se permitirá o uso da calculadora.
Dende finais de novembro de 2004, os IES de Galicia veñen de recibir notificacións da CIUG polas que se lles notifica que o alumnado non poderá utilizar a calculadora nas probas de acceso á Universidade, para a realización dos exames da materia de Matemáticas.
A potenciación do uso racional das calculadoras é un dos obxectivos mencionados nos DCB (Deseño Curricular Base) de matemáticas da ESO e Bacharelato.
Por outra banda a costume no uso deste recurso didáctico á vez que axiliza os procesos dá certidume e seguridade ao alumnado.
As razóns arguidas pola CIUG non parece en absoluto convincentes, e a falta de instruccións complementarias no desenvolvemento curricular, absolutamente oportunas. A igualdade de oportunidades ten ben fácil maneira de garantirse.
Entre outras, basta unificar os criterios para a utilización deste dispositivo.
A Adminístración educativa galega debe de garantir estes principios, garantir os dereitos do alumnado do que é responsable.
Non parece que haxa xustíficacións serias para a adopción desta medida, rexeitadas por o profesorado e por o alumnado galego.
Parecería. por contra, máis prudente, garantir a adecuación das probas de acceso á universidade na materia de matemáticas, cuestión demandada reiteradamente en todos os procesos celebrados en anos anteriores.
Polo exposto, o Grupo Parlamentario dos Socialistas de Galicia, presenta a seguinte proposición non de leí:
O Parlamento galego insta á Xunta de Galicia a:
1.) Que garanta os dereitos do alumnado galego que vai a realizar as PAAU en 2005.
2.) Preservar o dereito ao uso da calculadora por:
· Ser un obxectivo de coñecemento.
· Garantir a non discriminación do alumnado galego con respecto ao resto das comunidades autónomas, establecendo as modalidades e límites operacionais das que se permita o uso.
3.) Darase cumprida notificación e información sobre as caracteristicas das mesmas aos centros de ensino, ao alumnado afectado, así como ás asociacións de estudiantes con representación en Galicia
Pazo do Parlamento, 9 de marzo de 2005
Asdo.: Manuel Luís Rodríguez González
Pedro Borrajo Rivas
Laura Seara Sobrado
Deputados do G.P. dos Socialistas de Galicia
Asdo.: Emilio Pérez Touriño
Portavoz do G.P. dos Socialistas de Galicia.